林敏驄獲邀創作主題曲錢嘉樂分享受李小龍影響學功夫

錢嘉樂、林敏驄、米雪及田啟文等，呢日出席紀念李小龍逝世50周年活動啟動禮，懷念呢位已故傳奇人物，林敏驄獲邀創作主題曲，身旁嘅錢嘉樂大讚林敏驄為人有義氣。

林敏驄指自己作品一向有番咁上下，成敗係關鍵於唱嗰個唱成點，大會亦會推出特刊，銷售收益將捐畀香港特技演員公會，援助長期患病嘅會員，令會長錢嘉樂非常感恩，錢嘉樂指當年李小龍影響力好大，好多人受李小龍影響而學功夫。