大笪地唱不停丨第二站唱爆黃大仙區曹敏寶Rap新蒲崗街名炒熱氣氛譚嘉儀黃洛妍擔任嘉賓

第一季《中年好聲音》實力唱將周吉佩、李佳、羅啟豪、龍婷、顏志恒、吳大強及支嚳儀等，將遊走深水埗區、東區等舉行巡迴演唱，以真摯歌聲回饋支持佢哋市民，《大笪地唱不停》節目由許文軒擔任主持。

《大笪地唱不停》周日（30日）播出呢集係第一季《中年好聲音》實力唱將喺黃大仙區演出。

《大笪地唱不停》周日（30 日）播出呢集演唱地點係黃大仙區，演出陣容有周吉佩、李佳、羅啟豪、龍婷、顏志恒、吳大強、鮑聖光、丁文俊、魏嘉信及曹敏寶，嘉賓有譚嘉儀及Janees（黃洛妍）。

許文軒擔任主持，而曹敏寶喺台上大晒Rap功。曹敏寶同老友吉吉合唱。李佳+羅啟豪合體獻唱《倆忘煙水裡》。

一班《好聲音》唱將喺節目細訴與黃大仙嘅淵緣，Bill哥哥（吳大強）指講起黃大仙好多人會諗起黃大仙祠，但對Bill哥哥嚟講係諗起啟德遊樂場，Bill哥哥細個成日去玩，今次舊地重遊，佢抽時間行咗一轉；吉吉稱黃大仙係佢嘅音樂夢起點：「黃大仙係我樂隊（sp'ACE）嘅起點，有一日我打畀當時隊Band嘅鼓手約去黃大仙下邨，佢落咗嚟同我一齊傾人生目標，我哋細個時許下一個承諾，就算點都好都想出一張唱片，成件事好熱血！」

龍婷＋丁文俊獻唱《萬水千山縱橫》。吳大強獻唱《Release Me》。

兩對最佳拍檔龍婷＋丁文俊、李佳+羅啟豪今集終極合體，分別獻唱《天龍八部》主題曲《萬水千山縱橫》及片尾曲《倆忘煙水裡》。首度現身《大笪地》嘅曹敏寶，一出場用Rap方式唱出新蒲崗嘅特色街名「大有、雙喜、三祝、四美、五芳、六合、七寶、八達」，炒熱全場氣氛。身為嘉賓嘅譚嘉儀、黃洛妍分別唱出《夜機》及《睡公主》，唱會尾聲，大家合唱《燕尾蝶》為全晚演出。

顏志恒跳唱《拒絕再玩》。鮑聖光自彈自唱。魏嘉信獻唱《我應該》。演唱會尾聲，大家合唱《燕尾蝶》為全晚演出畫上句號。