王馨平睇歌迷應援版MV感動流淚 新歌圍繞父女情份外溫暖

王馨平忙於9月喺麥花臣開騷做宣傳，近日推出新歌《威嚴背後》，講佢與爸爸王羽嘅父女情，自己後悔冇主動示愛，而官方MV未推出，歌迷就幫王馨平應援，搜集王馨平與父親王羽嘅片段及照片，剪輯成歌迷應援版 《威嚴背後》MV。

王馨平睇完相當感動，忍唔住流眼淚：「估唔到隔咗咁多年冇見歌迷仍然不離不棄，加上今次不論演唱會同歌曲主題都環繞着自己與父親相處一點一滴，所以份外覺得溫暖及感動，今次演唱會亦會出盡百二分努力，回饋歌迷。」 演唱會主辦方稱王馨平演唱會內部訂購理想，要加推門票，未必留到足夠門票畀王馨平訂飛嘅親友，王馨平正愁點樣還飛債，而官方版MV正火速趕製當中。