湯怡 同 麥秋成 結婚之後，唔止齊齊為啱啱已經2歲嘅囡囡QQ努力，Kathy更加建立自己嘅甜品品牌，將甜蜜口味帶俾大家。秋成跳舞叻大家都知，不過近來佢就潛心修練另一技巧，實行婦唱夫隨，跟住老婆嘅步伐開始學廚，日前仲其他同學仔一齊準備大型考試晚宴，更已經成功通過基礎課程喇。
秋成除咗喺留言表示會繼續進修，仲話今次跳出Comfort Zone要多謝老婆支持呀。至於湯怡今次亦似乎同老公拍住上一齊上堂學正統法國烹飪課程，行文仲暗中放閃，留言話：「這幾個月一起奮鬥 更懂得我們之間的愛」，唔知佢哋遲啲係咪有計畫夫妻檔全力向飲食業進軍大力發展呢？
