施匡翹 Zaina 日前出席香港高級視聽展2023， 為佢新推出嘅唱片與散文相集舉行歌迷見面會，吸引咗大批fans同HiFi發燒友到場買碟索簽名，令Zaina嘅新碟喺十幾分鐘內就火速售罄。
對於fans們嘅熱情，Zaina坦言相當意外，仲話估唔到會有咁多fans嚟買碟，當佢見到唱片被賣清嘅一刻，令Zaina相當感動：「對我來說，是好大鼓勵，聽到有朋友仔更說想買，然後職員回覆唔好意思賣清了，自己都不太相信。」
Zaina感謝Fans嘅支持外，亦多謝公司同新碟嘅製作團隊，佢話：「每一位都好用心，希望睇了同聽了的每一位感受到，之後亦希望有更加多好的作品俾大家睇到和聽到。」
