幸福與愛心滿滿嘅溫碧霞（Irene）向來家庭與事業並重，Irene趁住愛兒Xavier（何國倫）由美國回港放暑假，日前Irene喺內地工作，特登抽出幾日安排兒子與老公Kenny何祖光一家三口去夫家故鄉貴州一齊為當地一所醫院親善探訪重症病人送暖。
Irene周三(16號)並帶兒子返回一級上將嘅太爺何應欽故居參觀，讓兒子認祖歸宗。 Irene為世家顯赫一級將領何應欽姪新抱，何應欽將軍於1945年代表中國政府接受日本投降，Irene兒子何國倫名字亦係跟家族族譜，何應欽自小喺位於貴州省興義泥凼鎮嘅四合院故居長大，現已成為當地博物館供遊人參觀。
Irene坦言與兒子第一次參觀太老爺何應欽故居，感覺好驕傲：「因為太老爺的故居建築設計具有較高的建築藝術價值和歷史文物研究價值，所以列入文物博物館，親身睇到太老爺當年用過的實物、留下的相片、書法，我同Xavier都為太爺感到自豪及敬仰。」 遊覽完夫家故鄕，Irene翌日要飛往上海繼續開工，老公及兒子則回港，兒子快要回美國開學，Irene開心表示：「唔會唔捨得，Xavier好鍾意返學，讀書好緊要，而且呢個暑假我哋都享受過好多家庭樂，又去過峇里度假，已經好滿足啦！大家都要各回各崗位，好快又可以再回來。」
