改編自 李碧華 同名小說；由 陳凱歌 執導 張國榮 張豐毅 鞏俐同 葛優主演 嘅《霸王別姬》1993年正式上映，今年面世30周，當年以超過港幣3000多萬嘅鉅額製作費，製作出一代經典，加上當年勇奪美國金球獎最佳外語片，更係迄今唯一榮獲康城影展金棕櫚獎嘅華語電影，先後共獲十多項國際殊榮。男主角 張國榮 更一直認為《覇王別姬》是從影以來嘅代表作。
曾獲《時代》雜誌評為「百大不朽電影」之一嘅《霸王別姬》，至今仍喺全球各地戲院公開放映中。為迎接面世30週年，加上今年適逢係哥哥逝世20週年，出品呢套經典嘅湯臣(香港)電影，特別委托海外電影修復專家花接近一年時間，依據導演當年嘅創作意願，為電影作4K數碼修復，盡力還原當年公映時嘅聲畫質素。
《霸王別姬》4K數碼修復版獲全球各地院商高度重視，日本喺7月底率先放映，8月亦喺法國公映；下月中亦會參與多倫多電影節；到9月底就會到北美地區為影迷播放，而香港電影資料館亦獲授權舉辦香港首映，令本港影迷可以喺文化中心大銀幕上再度欣賞呢部一代瑰寶。
香港電影資料館 將喺9月30號喺尖沙咀文化中心大劇院呈獻《霸王別姬》4K修復版，兩場放映場次，分別為下午嘅香港首映場同晚上19:30兩個時段，門票畫一律定價為$45，9月1號起經城市售票網公開發售。
湯臣(香港)亦將展出《霸王別姬》國際版原裝海報同其它珍貴展品，於放映當日喺文化中心展出。展覽將於9月30號香港首映當日喺文化中心2樓大堂展出，持票觀眾可先睹為快。展覽之後會移師香港電影資料館一樓大堂免費展出，直至12月30號。
