之前一直有傳黎明將會舉行演唱會，但係就未有實質消息。黎明15號喺社交平台上載咗一張兔仔聽住walkman嘅相，仲留言話：「佢究竟聽緊乜？」當時大家仲以為黎明係為大家送上中秋祝福，但原來黎明嗰陣已經影好咗演唱會海報。
黎明今日就釋出演唱會海報，同時宣佈將會喺11月舉行10場紅館演唱會。海報上，西裝骨骨嘅黎明，手抱住七彩聽住walkman嘅兔仔，而walkman嘅卡式帶上，亦印住黎明嘅經典作品，呢個海報上嘅小小密碼，令大家猜測今次黎明嘅個唱將會為歌迷帶嚟不少經典金曲呀！
黎明宣佈11月舉行10場演唱會 海報細節令人猜測個唱風格
