J2 旅遊節目《自然系女子日本旅行》主打「自然美景」及「身心靈治癒之旅」，今、明兩晚十點半J2（82台）播出最後兩集，主持林映暉（暉哥）及「啦啦隊女神」林襄繼續玩轉鹿兒島，林襄更意外展現貪靚面！ 
今晚（24日）播出呢集係暉哥同林襄將深入森林尋找秘境泥漿溫泉，去泥漿溫泉路程相當艱辛，「雙林」要喺森林中幾經穿梭才驚險到達！「雙林」一到埗立即換上泳衣坐喺泉邊玩泥漿，暉哥指泥漿有美白效果，林襄聞言即笑謂：「我要塗多一點，我太黑了！」。是集「雙林」好有食神，大歎傳奇火鍋熊襲鍋，該鐵鍋直徑達70cm、 重量有成10kg認真巨型！之後兩人再欣賞藝伎表演，與藝伎一同跳舞。
聽晚（25 日）播出最後一集，林襄帶暉哥去鹿兒島最南邊嘅指宿，「雙林」今次玩玩新意思，唔浸溫泉轉攻日本唯一天然砂浴！被埋喺砂中嘅林襄再次展現貪靚及貪玩一面，主動要求用砂子僭建「大內內」；暉哥見狀即唔執輸要求僭建腹肌，工作人員滿足其要求之餘、更加料為暉哥送上「大內內」，暉哥笑言：「胸其實唔使再加，平時都夠重，我想要腹肌！」僭建成功後嘅暉哥更向林襄耀武揚威：「我依家唔只胸大過你， 仲有6嚿腹肌！」場面搞笑。 最後一站，兩人去JR線最南端嘅西大山車站，親身體驗當地必做指定動作—寄明信片，寵愛粉絲嘅兩人親手寫咗明信片送畀粉絲，想得到暉哥同林襄親筆明信片？密切留意J2社交平台！
《自然系女子日本旅行》今、明兩晚 10 點半 J2（82 台）播最後兩集