由何超儀、周俊偉、高橋和也及白川和子主演嘅《怨泊》，講超儀飾演Sarah與男友分手後，去東京散心後想購地發展房地產，由周浚偉演嘅地產中介Sean建議佢暫住喺由一位老婦人（白川和子飾）經營嘅私人民宿，遇到靈異恐怖經歷，更揭開日本邪教神秘面紗。
超儀早喺《維多利亞壹號》已跟周俊偉合作過，而其他演出者實行「全日」陣容，飾演刑警兄妹高橋和也及黑川智花、有現實中有幫人塔羅占卜嘅神婆太田小姐，仲有當年日活羅曼時期最具代表性嘅情色天后女神白川和子。
白川和子喺戲裡飾演民宿老婦人，亦係Sarah母親名叫「絹代」並邪教主腦，講絹代母親千代係被迫來日本當妓女，絹代出生後冇耐就被賣畀一對英國夫婦，並喺香港長大。後來喺香港誕下Sarah及Sean後，絹代忽然回日本；但佢嘅母親千代每晚以「活靈」形式出現喺佢嘅夢中，令佢十分困擾。後來佢竟然與母親千代重逢，頓然令佢失去理智，絹代自覺能讓佢保持理智唯一方法就係轉向邪教，成為哺乳聖女，佢親手促成Sarah同Sean亂倫，皆因邪教繼承人必須係純正血統。
電影中嘅人際關係撲朔迷離，Sarah及Sean嘅關係更讓人分不清佢哋係戀人定係親姊弟，Sean刻意隱藏身份去接近Sarah。對於呢啲錯綜複雜關係，藤井秀剛導演表示：「Sarah同Sean係兄妹，警察小山田和真由美也是兄妹。這是刻意的安排，兩對兄妹倆關係並不相同，我需要塑造一個強烈的家庭形象– 原則上，家庭是我們唯一可以相信的、可以依賴的，但家庭的崩潰才是最悲傷、最充滿怨恨的事，這猶如一場地獄般的噩夢。」
白川和子（Kazuko Shirakawa）簡介：
日本長崎縣東彼杵郡出生，有「日活救世主」、「日活女王」之稱。1967年加入色情電影業，拍過山本晉執導的《牀上好手》、澤田介執導的《偷獵乳房》等等；到1970年代日活株式會社起飛，實行「浪漫、色情」路線，令她成為「日活羅曼」時期最具代表性女優，六年間拍攝超過200多部色情電影。曾短暫退出娛樂圈，於1976年重返影視界後「從良」不再拍色情片，參演過名導今村昌平導演的《我要復仇》（1979）、森田芳光的《家族遊戲》（1983）等等。近年參演的電影作品有福田壯志執導的《山女》、艾達帕納哈達執導的《二階堂家物語》、白石和彌的「日活百年」致敬作《雌貓們》等等。
