近日啱啱宣佈將會舉行首次個人演唱會嘅 炎明熹 ，門票就連加場亦極速售罄，Gigi日前現身活動除咗指已經緊密為個唱準備外，原來亦有另一「人生大事」，原來Gigi已經衝出國際，以18歲之齡，成為登上時代廣場巨型LED屏幕嘅最年輕香港女歌手。
由音樂串流平台推出嘅「EQUAL Global Music Program」，宗旨係為女性發聲、爭取平權，每月都會網羅世界各地優秀女性音樂人演唱嘅歌曲製作歌單，今次Gigi就獲選成為8月嘅香港代表，Gigi嘅巨型肖像喺美國時間8月22號起，就出現喺有「世界十字路口」之稱嘅時代廣場顯著巨型LED屏幕上。
雖然Gigi未能親身到紐約見證自己首度衝出國際，，不過一班居住喺當地嘅Fans，就專程帶同參考Gigi外貌製作而成嘅「Gi囡」公仔，到時代廣場拍照打卡，代Gigi紀錄呢個歷史時刻。