由作家墨書白同名小說改編嘅古裝劇《長風渡》，故事講述 宋軼飾演 嘅布商之女柳玉茹，喺陰差陽錯下嫁畀 白敬亭飾演嘅 城中紈絝子弟顧九思，兩位歡喜歡喜冤家喺種種經歷後走向對方嘅愛情故事。
《長風渡》喺內地自開播後有超強熱度，各種關於《長風渡》嘅微博話題閱讀量超過120億。男主角白敬亭之前喺劇集《川內相親》內飾演六少主尹崢，「寵妻狂魔」嘅角色設定相當入屋，而女主角宋軼來頭亦唔少，33歲嘅佢畢業於中央戲劇學院，曾演出《偽裝者》、《慶餘年》、《贅婿》等劇集，皮膚白滑嘅佢擁有 168cm 身高，自帶古典氣息，非常適合演古裝。
白敬亭今次喺《長風渡》再次上演先婚後愛、歡喜冤家嘅戲，同女主角宋軼組成甜度爆錶嘅「一見茹顧CP」，有網友封《長》為「川內相親2.0」。喺劇中愛得甜蜜嘅白敬亭同宋軼，曾被爆疑似戲假情真，網友取笑佢哋喺劇中嘅甜蜜互動，係全靠真感情。
一見茹顧CP 甜到蛀牙嘅互動，網友睇完都紛紛嗌愛了，特別喺內地官方發布嘅其中一條花絮片入面，一見茹顧CP對戲時就瘋狂放閃，白敬亭不停向宋軼撒嬌又挨又攬，宋軼問他：「你是軟骨頭嗎？」白敬亭竟理直氣壯回答：「我是吃軟飯的，骨頭自然軟了。」兩人冧豬互動閃盲全世界。
《長風渡》28號起 逢星期一至五 21:30 翡翠台
