王丹妮Louise日前出發到瑞士，參加著名鐘錶品牌嘅高爾夫球錦標賽，同行仲有韓國男神玄彬、沈月同水原希子等。
為咗喺球場上呈現最佳狀態，Louise出發前喺澳洲密鑼緊鼓練習高爾夫球，對於與韓國男神玄彬同場，Louise即自揭係對方影迷，早前先入戲院睇完對方嘅電影，Louise話：「早幾年前已非常欣賞玄彬這位外形俊朗的實力派韓國演員，非常喜歡他在《愛的迫降》中的演出，同時令我非常嚮往到瑞士旅遊。今次能在劇中取景地瑞士附近與他聊天、拍照感覺超夢幻，他真誠有禮的樣子令人心跳加速。」Louise仲話希望有日可以以演員身份同對方正式合作，仲笑言齋諗就已經好開心。
活動上Louise與水原希子同佢嘅妹妹水原佑果一齊打哥爾夫球聊天，由於大家都係高爾夫球初哥，所以喺練習初期都互相鼓勵。
對於今次瑞士之旅，Louise坦言得幾日完全品夠喉，對於當地新鮮嘅空氣、蔬果同芝士都相當掛念，Louise仲話希望將來有機會再嚟瑞士深度旅遊呀。
