52歲香港女星鄭艷麗息影多年，近年傳出因罹患厭食症多次被送院，甚至住進加護病房，佢不時喺社交平台更新日常生活點滴，鄭艷麗噚日喺社交平台自爆身體轉差。
鄭艷麗早前因健康情況反覆，無法每日正常上班以致要經常轉工，直到今年3月，佢開心遇到好老闆，讓佢可以重投社會工，怎料近日佢身體變差，返工日子好少，多數日子要留喺屋企或醫院度過，佢坦言呢幾個月來第一次感覺身體咁差，佢都好想過啲正常嘅日子，「啱啱嘅星期日又到過咗死去活來嘅一天」。
鄭艷麗透露母親近日從越南回港，周一開始畀佢一啲不知名嘅新藥，佢呻啲藥味道好似木頭一樣好難食，之後佢就發覺隻腳出現咗「瘀傷」，鄭艷麗希望啲藥真係有效，「因為日日都要咁痛苦地度過，我唔知我可以撐得幾耐」，鄭艷麗晒出纖幼大腿嘅瘀傷照，網民亦留言祝佢早日康復，建議佢睇中醫調理。
90年代女星鄭艷麗昔日曾拍《慈禧秘密生活》、《滅門慘案II借種》等三級片，後來淡出演藝圈後，一度去快餐店打工，又擔任清潔工，早年因患上厭食症令體重暴跌至90幾磅，近年傳出因罹患厭食症多次被送院，去年9月因身體電解質過低，被送入醫深切治療部，直到今年3月獲老闆娘及同事體諒，老闆娘更每日燉湯畀佢。
原來鄭艷麗每日放工返屋企都會嘔，胃又會痛得超厲害，鄭艷麗有湯水滋潤後，雖然仍會嘔，但係至少冇胃痛，頓時令佢感覺既窩心又溫暖，感性寫道：「世界上某啲地方真係仲有人情味嘅。其實我係好缺乏畀人愛惜嘅，而家每日都覺得好有溫暖、有人愛惜我，所以一定要同大家分享。我諗我而家應該可以做到退休，唔使再成日轉來轉去啦！」