有片丨劉德華孖陶大宇首合體唱《倒轉地球》 胡楓林子祥容祖兒群星到賀華仔生日會

劉德華「華仔天地」成立至今幾乎每年喺華仔生日月份與佢嘅「家人」（華仔fans簡稱）一齊慶祝；過去五年因疫情關係，所以未能舉行。隨著疫情逐漸緩和，日前「華仔天地」Fan club特別喺機場博覽為華仔舉行一個3000人生日派對，並為華仔邀請一眾圈中友好出席包括羅蘭、胡楓、葉蒨文、林子祥、容祖兒、陳家樂、陶大宇、姜皓文、陳芷菁、谷德昭、錢嘉樂、何啟華、鄭則仕、湯鎮業、李暉、Cyril、許恩怡及媽咪柏安妮等，群星與全場fans喺一片歡樂歌聲中，一齊預祝華仔9.27生日。

華仔與祖兒合唱《獨自去偷歡》，留下一次難忘美好回憶。

生日會開始華仔講要跟fans一齊卡拉OK，一口氣獻唱多首經典作品，全場fans和唱。除咗演唱部份外，谷德昭、錢家樂、陶大宇同容祖兒訪談細說華仔，提到早前大家不約而同去觀賞華仔近期舉行嘅藝術展，讓大家認識華仔演藝以外嘅另一面。

華仔上台邀請台下羅蘭姐及修哥上台一同分享對佢嘅點滴。

華仔上台邀請台下羅蘭姐及修哥上台一同分享對佢嘅點滴。羅蘭姐公開讚賞華仔向來係好尊敬長輩；記得2014年，華仔老遠飛去外地頒「TVB星光成就大獎」，親自交到羅蘭姐手上，令身處外地開工嘅羅蘭姐倍感開心、修哥一上台就叫大家要永遠支持華仔，呢對活寶貝連番讚美，逗得華仔笑不攏嘴，馬上叫兩位跟佢同祖兒合唱《分飛燕》，自稱五音不全嘅羅蘭姐隨住祖兒帶領下，隨著音樂伴奏唱歌，調皮嘅修哥又出招笑問羅蘭姐：「乜你識唱歌嘅咩？」正專心演唱嘅羅蘭姐懶得理會修哥所言，最後修哥都唱埋一份，四人合唱非常合拍，全場掌聲不絕。

華仔邀請一眾圈中友好出席。

現場高漲氣氣氛一浪接一浪，葉蒨文及林子祥以特別嘉賓出現，以《敢愛敢做》一曲為這晚推進高潮，陶大宇、陳家樂、何啟華（Dee）更跟華仔首次合體分別合唱《倒轉地球》、《暗裡著迷》及《獨自去偷歡》。大宇在台上演唱兩首華仔作品，與現場fans互動，大搞氣氛。

百分百fans嘅家樂冇準備下有啲尷尬，，但接過華仔Mic後即華腔上身情深演繹，事後家樂笑言：「早知要上台的話，等好去set個靚髮啦！第一次參加華哥的生日會，還給我機會一齊合唱，真的好似發夢。」 華仔與祖兒合唱《獨自去偷歡》，留下一次難忘美好回憶，站喺台上另一端嘅谷德昭陶醉熟練演唱這曲，頓時吸引華仔目光，立時為佢打氣。祖兒意猶未盡自選最愛華哥嘅《開心馬騮》繼續邊唱邊跳，連台下嘅許恩怡及媽咪柏安妮、fans都企晒起來手舞足蹈的和唱。祖兒首次參加華仔天地生日會：「好開心，感覺成為「家人」的一份子，希望以後每年都可以參加華仔的生日會。」

莎麗和阿Lam完成表演後，陪住華仔一同欣賞華仔天地fans連串的精彩表演。
而莎麗與阿Lam完成表演後，陪住華仔一同欣賞華仔天地fans連串精彩表演，睇完大半場後，習慣早睡早起嘅莎麗同阿Lam便先行離場，莎麗笑說：「我同阿Lam夠鐘返屋企瞓覺啦，我哋真係比羅蘭姐、修哥早瞓㗎！」莎麗同樣憬九月份生日，臨走前不忘再祝華仔happy birthday。 闊別五年fanclub再次為自己舉行生日會，華仔感恩：「很感謝每一位fans的心意，除了香港之外，有很多都是專程由外地而來，我希望我的『家人』繼續身體健康，每年生日會都可以見到大家。也感謝一班圈中友好的祝福，跟我分享生日的喜悅。相識多年的魔術師Cyril也跟我同日生日，九月之星還有的莎麗，難得今年一起慶祝。」 

劉德華孖陶大宇首合體唱《倒轉地球》。
華仔稱「華仔天地」為咗今次生日會花唔少心思籌備咗兩個半月，舉行前因暴雨影響，最後只能用一日時間完成，直至開騷當日早上10點，華仔先進行綵排，所以能夠順利舉行呢次生日會，華仔衷心感謝大家。此外，華仔將起程赴加拿大出席「第48屆多倫多影展」獲頒發「特別貢獻獎」及為參展新片《紅毯先生》出席首映禮。