顧定軒處男騷再出EP賀生日 回到校園講少男心聲好友力撐

除咗唔同戲劇演出之外又同時身兼歌手身份嘅 顧定軒 9月19號正式踏入29歲生日。日前先完成⾸次個⼈⾳樂會，更一口氣唱⾜120分鐘完全無冷場。今次Zeno仲邀請埋雷同二友 嘅 謝芊彤 同曾參加網上校花選拔賽嘅 泰妹 ⼀⿑載歌載舞，合唱Cookies嘅《⼀擊即中》同埋 李逸朗 蔣雅⽂ 嘅《懶醒》等經典Y2K歌曲。

Zeno當日亦獻唱自己正式推出嘅⾸張EP當中兩⾸新歌：《⾏動代號0901》同《羅曼蒂克！》。Zeno嘅處男EP概念以校園作背景，以⼀個熱⾎⻘年喺新學年經歷嘅新事物，由開學到暗戀再到表⽩嘅羅曼蒂克故事。

Zeno日前舉行首次個人音樂會，獲大班歌迷支持

⾳樂會一開始Zeno就穿著球⾐喺⼈群中出場，Zeno喺台上對歌迷話：「只要你哋肯聽，我都唔怕⾟苦，努⼒喺台上唱歌⽐你哋聽。」⾳樂會尾聲時，佢又唱出去年⾃⼰參與作曲嘅《教我》，全場觀眾跟住⼤合唱更令Zeno忍唔住留下男兒淚。

佢又趁住今日生日推出首張個人EP

其實Zeno因為⼀個⽉內接連完成3⾸歌錄⾳同時籌備⾳樂會，令⾝體響起警號，聲帶發炎要同時以抗⽣素同打針先可以順利完成今次演出，慶幸未令買⾶⼊場⽀持嘅觀眾失望。