陳蕾突宣佈與監製男友分手

近年於樂壇發展不俗，作品與個人都有唔錯成績嘅 陳蕾 ，6月先喺一個音樂會罕有與同為音樂人嘅監製男友 Mike Orange 同場現身，之後又一齊到英國旅行，不過星期六佢就驚爆雙方喺旅程後已然分手。

來自廣州嘅 陳蕾 2009年參加電視台嘅音樂比賽入行，男友Mike Orange自2020年起就為陳蕾大部份歌曲擔任編曲同監製一職。2021年時陳蕾曾喺一個電台節目爆出有音樂人男友，後來更有傳雙方已共賦同居，在公在私關係都非常密切，突然傳出分手消息令外界都感到愕然。