雪雪 孫慧雪 2016年底同拍拖6年嘅男友羅天彥成婚，雖然隔年初就已經報喜宣佈懷孕，不過其實阿雪因為患有子宮腺肌病，所以計畫生育經過唔少困難，幸長子最後Riley健康出世，雪雪兩個月前亦誕下幼子，一家四口非常幸福。
不時喺網上分享生活大小事嘅佢，呢日又提到自從生BB之後記性麻麻，好似9月23號結婚7周年嘅紀念都唔記得，經老公提醒之後齊齊行超市「慶祝」，不過只要生活甜蜜幸福的話，身邊一半陪伴在則比去邊就更加重要喇，阿雪呢日重貼當年嘅結婚相，仲話唔記得原來老公當時咁靚仔、自己當時咁瘦。
一孕傻三年嘅阿雪，亦繼續佢嘅媽咪大智慧話：「點唔記得都好 都要記得珍惜 記得無論將來係點都總有你喺身邊一齊行咁就得啦 吵吵鬧鬧就一輩子了」。