羅密歐與祝英台｜月中緊接《你好，我的大夫》播出 陳茵媺復出作陳豪舉腳支持演CP

由 陳維冠 監製、 鄭成武 編審嘅《羅密歐與祝英台》，10月16號起將接棒《你好，我的大夫》播出，新劇主要演員包括 陳茵媺 陳豪 周嘉洛 游嘉欣 江美儀  蔣祖曼 鄭子誠 吳子冲 鄺潔楹 同 徐榮 等。

以後現代架空世界為背景的《羅密歐與祝英台》，故事圍繞四位主角祝英台(陳茵媺 飾)、梁山伯(陳豪 飾)、羅密歐(周嘉洛 飾)同朱麗葉(游嘉欣 飾)發展，既有淒美浪漫嘅愛情元素，亦有火花四濺嘅型格動作場面，既創新又破格。

《羅祝》嘅故事發生喺超現實世界，講述同樣富甲一方嘅羅家同祝家歷盡百年恩怨，雖然平時 不相往來，但每隔五年就會以槍戰形式決鬥，就住面子同自身利益，兩大家族各出奇謀爭取勝算，而四位主角間嘅愛情故事亦係呢個複雜在背景之下產生，箇中波折同困難可想而知。

Aimee復出作就型到爆，仲有唔少槍戰場面相隔多年再同老婆演一對，阿Mo就話其實唔容易喇

雖然主角嘅名字大家都耳熟能詳，不過佢哋喺新劇當中嘅人物設定同際遇就會顛覆大眾對呢四大愛情經典人物嘅認知喇。根據近日發放嘅首輪劇集宣傳預告，主角設定分別係「智勇雙全祝英台」、「槍法如神梁山伯」、「仁心仁術羅密歐」仲有「反叛率真朱麗葉」，仲曝光埋兩對情侶嘅甜蜜親吻鏡頭，每條宣傳片後嘅動畫版主角介紹亦非常有心思。

又槍戰轉頭又錫錫，到式新劇玩邊科呢？

而四位主角亦都槍法如神，性格亦各有特點：祝英台全程唧都唔笑Cool到爆；梁山伯賴皮市儈至愛搵人笨；羅密歐謙厚有禮，志願係幫助貧苦大眾嘅仁醫；朱麗葉就熱愛刺激，為咗最愛嘅槍械同羅密歐，仲多次犯禁同祝家玩對抗。

《羅密歐與祝英台》自開拍以來就備受矚目，除咗鑽石級演員陣容同幕後班底令人引頸以待之外，相隔11年再度喺劇集同框嘅恩愛夫妻陳茵媺同陳豪自然成為焦點所在，新劇更加係Aimee 婚後首部「復出」嘅劇集。

作為婚後11年來嘅復出之作，Aimee對呢次演出非常重視

呢次亦係Aimee同阿Mo自多年前拍拖後首度演出CP，不過要真夫婦演情侶並非易事，呢對圈中模範組合就笑指難度在於要壓抑自己對對方嘅感情喇，Aimee仲笑言：「因為今次個角色同真實嘅自己完全唔同，好大挑戰，要盡量收埋平時嘅自己，除咗講嘢唔可以太女仔，仲要收起平時對住老公嘅眼神同小動作，要將自己從現實中抽離返。」阿Mo則搞笑感嘆拍劇期間猶如「冇咗個老婆」，同時強調全力支持Aimee復出追夢。

另外今次首演情侶嘅新生代組合「洛游CP」中，以搞Gag、貪玩、語速快馳名嘅嘉洛，今次繼續發揮搞笑本色，仲加入更多「深情」元素，劇中熱愛莎士比亞嘅佢，不時會大拋「莎式金句」曬內涵玩浪漫，又會排除萬難誓要與一見鍾情嘅朱麗葉愛到底，加上人設善良，入屋指數高企。

嘉洛據報喺劇中會不時大爆莎士比亞嘅金句

而一向以清純乖乖女形象見稱嘅游游，今次以曲髮造型登場突顯角色Wild感覺，仲會首度挑戰 大量型格開槍場面，同樣值得期待。

游嘉欣今次唔再乖乖女，化身神槍手之餘外型打扮亦都同以往後好唔同

《羅密歐與祝英台》10月16號起 星期一至五晚 20:30 翡翠台