因為拍攝劇集《On Call 36小時》而結緣；2016年結婚嘅 羅子溢 同 楊茜堯 轉眼就成婚7年，佢哋呢日就放低一對子女拍拖慶祝銅婚，兩公婆身處喺當年舉行婚禮嘅同一間酒台中，位於102樓高嘅米芝蓮星級餐廳優雅咁嘆返餐重溫當年嘅甜蜜喇。
「魚仔」同「洋蔥」雖然戲中未能開花結果，不過現實中就由拍攝撻著，之後結婚並育有一對子女非常圓滿，雖然升任人母後茜堯減少工作，不過就不時會喺社交平台分享生活片段喇，好似今次慶祝結婚周年，佢亦將夫妻間嘅甜蜜對話Post出嚟，力證七年唔止不癢，仲更加非常痴纏愛意爆棚呀。
我問你：「7年，有癢嗎？」😏
你説：「有吖，痕到爆吖，個背脊！」🤪
我說 ：「今年我要少少儀式感」😏
你説：「咁大件事？好吧，即管想一想」🤪
7年前，我們在這裏分享喜悅接受祝福，7年後的今天，我們在這裡慶祝這個特別的日子❤️
❤️找到對的人是一種幸福，彼此一起在漫長而又瑣碎的生活中活出精彩，須要的是信任，包容和默契…..Happy 7th Anniversary