喺《寵愛Pet Pet》當中明星狗「冬甩」嘅主人同時扮演金醫生男友嘅 招浩明 喺小犬颱風襲港嘅一日宣佈將會喺下月11日同索女友 Sophia 拉埋天窗，決定喺光棍節搣甩單身光棍身份。
招仔除咗係可愛又聰明嘅金毛尋回犬Romeo嘅主人之外，同時亦參與唔少劇集演出，除咗 《寵愛Pet Pet》嘅阿Paul之外，亦有參與《痞子殿下》同扮演《愛．回家之開心速遞》嘅「英進」一角。
兩年前已經買定樓準備好結婚嘅佢，入行前曾任職多家唔同金融機構，因為醉心演藝事業而決心轉行投身演戲，而女友亦一直非常支持，更身兼Romeo嘅經理人。