曾先後李小龍父子分別合作；演出過《龍的心》、《葉問：終極一戰》等嘅資深武打演員孟海離世，終年65歲。
孟海10歲已經以童星身份參與演出，係為數唔多曾分別同李小龍同其子李國豪都分別合作過嘅演員，年僅15歲時就曾獲李小龍點名合作電影《麒麟掌》，後來又再參與《龍爭虎鬥》演出。
7歲已經學戲嘅佢，唔止係陳寶珠、蕭芳芳、林正英同門師弟，亦曾為洪家班成員，同洪金寶、成龍等合作不計其數，亦曾同師兄林正英多次合作。佢演出過逾百部唔同電影作品，更曾憑《皇家師姐》中嘅演出榮獲香港電影金像獎「最佳男配角」。
佢嘅演員姪女孟希璘向儀媒證實消息，指孟海患病已一段時間，又指同樣身為武打演員嘅爸爸 孟龍正協助處理伯父後事。
