65歲樂壇天后麥當娜（Madonna）今年6月因嚴重細菌感染入院，一度被送入深切治療部（ICU）傳出腦死，幸好麥當娜目前已康復，上星期喺倫敦舉行巡迴個唱，歌單一共45首曲目，全程傾力演出賣力唱跳，見佢狀態大勇！
麥當娜今次大病，令佢感受到對死亡嘅恐懼，佢喺演唱會表示，曾以為自己過唔到呢一關，以後沒法再次踏上舞台，連醫生都作最壞打算，當佢甦醒後發現自己失去5日記憶，唔知道自己身在何處：「不過有天使保護我，仲有我啲仔女都在場，每一次都係仔女拯救到我，假如你哋想知我點樣度過呢一關活下來，我諗我係為咗啲仔女，我要為佢哋生存下來。」
外媒報道指麥當娜平時濃妝豔抹亮相，早前喺社交網站疑流出麥當娜素顏嘅畫面，見佢兩眼無神、嘴唇浮腫，有網民猜唔係卸妝後睇落較憔悴，樣子似「多處動手腳」，根據英國「每日郵報」分析似動過提眉手術、鼻子及嘴唇亦似乎有填充物，造成面部睇落唔算好自然；之不過麥當娜重啟巡演啟動，似透過化妝回到以往豔麗嘅外貌，以最好姿態跟觀眾見面。