羅密歐與祝英台丨潘志文率領羅家與祝家對峙勁霸氣 陳豪陳茵媺孖仔女溫馨睇首播

TVB台慶劇《羅密歐與祝英台》噚晚（16號）首播，劇集以奇情、動作加浪漫作招徠，甫開場即見劇中兩大陣營祝英喬（陳茵媺 Aimee 飾）率領祝家與羅素（潘志文飾）率領羅家對峙。每隔五年進行一次世紀決鬥嘅祝羅兩家，喺決鬥前夕會議上就賭注大小問題角力，羅素爆出兩大家族各自有內鬼合作走私過期藥物，並即場槍殺涉事部下…

祝家：（左起）祝英喬、祝仁義（鄭子誠飾）、馬文才（徐榮飾）羅家：（左起）羅素、羅密林（吳子冲飾）、羅密田（徐文浩飾）老戲骨潘志文嘅氣場唔使多講。

相隔9年冇拍劇嘅Aimee甫出場即霸氣十足，面對敵人眼神凌厲、要使詐時絕不遲疑，面對疼愛嘅表妹茱麗葉（游嘉欣飾）又嚴厲溺愛，演繹用心，為咗祝英喬呢個男裝角色，陳茵媺應監製要求紮胸上陣，網民對於闊別多時於公仔箱再見Aimee大感振奮。Aimee動作場口更係令人眼前一亮。

陳茵媺出場冇耐即大晒花式轉槍絕技，霸氣逼人。祝英喬成功靠出口術令羅素受騙，個樣勁得戚。祝英喬對表妹茱麗葉痛錫有加，但因為對方實在太任性，所以偶爾都要 「敦」起個嚴肅樣。

今次為調查賣假藥事件，英喬與部下前往某貨倉進行調查，其間遭敵人埋伏，雙方發生激烈打鬥及槍戰，英喬最終被神秘人哥德（楊證樺飾）射傷…該幕Aimee一氣呵成完成連串高難度動作，除咗有流暢自如嘅花式轉槍，還有邊向左右兩邊跑邊連環開槍、翻身跳上車作360度翻滾、向後方大腳趷起踢跌敵人，以及單手制服敵人兼將對方拋至半空再緊接向前方開槍嘅場口，精彩絕倫。陳氏一家五口噚晚更齊齊坐喺電視機前睇首播，陳豪負責拍片紀錄過程，溫馨滿瀉！

陳茵媺攬住餅印囡囡以及細仔、一家五口溫馨睇首播。

呢場動作戲，Aimee 真心型。呢連串動作，齋睇相都知花咗唔少時間拍攝。Aimee 成套動作都表現得 好流暢。Aimee坦言全靠事前做足準備及訓練，拍攝時才事半功倍。

Aimee坦言全靠事前做足準備及訓練，拍攝時才事半功倍：「主要花咗好多時間練習滾地、接槍同轉槍，每日都要拎番屋企練，一有時間就要轉， 因為拍攝時間好Rush，萬一整跌咗支槍（要NG）就死喇！仲有踢腿都唔係一時 間就踢得咁高，要一個星期練幾次，之後拉吓拉吓就會踢得愈嚟愈高。」Aimee續指喺鏡頭前長期「充滿力量」好有難度：「就算已經拍咗幾次、覺得攰，要keep住好有殺氣同energy。」噚晚楊證樺及游嘉欣嘅轉槍動作亦係焦點所在，楊證樺難得喺鏡頭前展現型格及敏捷一面，其搞怪造型、聲線及癲狂行為亦令人留下深刻印象。

神秘人哥德（楊證樺飾）搞怪造型、聲線及癲狂 行為亦令人留下深刻印象。以得意見稱嘅羅毓儀，出場嗰吓都係前所未有地有型。初試啼聲動作場口嘅游游，無論轉槍、開槍同收埋支槍嘅動作都好型。游游單係首集嘅造型已十分多變。

飾演萬事通嘅陳豪做通渠佬！

羅密歐（周嘉洛飾）與茱麗葉的愛情線喺首集經已開展，二人於面具舞會上一見鍾情，由於現場發生槍戰及命案，加上茱麗葉係偷渡前往羅家所在嘅「海北市」參加舞會，令二人未能隨即作進一步發展。飾演麗花嘅羅毓儀亦有大量搞笑互動，獲網民讚有默契兼襯到絕：「做姊妹真係幾似！」

游游單係首集嘅造型已十分多變。 羅密歐同茱麗葉嘅一見鍾情邂逅場面好浪漫。 飾演萬事通嘅陳豪，喺劇入面咩都撈吓，包括神父、離婚律師。陳豪第一集已經低調地展示咗超凡嘅身手。首集出場的其他重要角色還有「一樓一五閨密」：（左起）Daisy（史穎喬 飾）、杜鵑（蘇麗明飾）、小梅（朱斐斐飾）、Rose（李漫芬飾）及 Iris（吳綺珊 飾）。飾演泥鯭姐嘅李君妍都好有驚喜。