42歲阿嬌（鍾欣潼）自2019年與台灣醫學美容醫生賴弘國離婚後，一直未有新戀情，早前被影到與一名以中性打扮嘅女子互動親密，對象似係有「女版陳冠希」之稱嘅內地網紅皇甫聖華，更有傳二人戴情侶手鈪蜜遊布吉，阿嬌凌晨12點更搶先喺IG出帖文跟緋聞對象皇甫聖華講生日快樂。
阿嬌早前被指感情生活一片空白，直至月初被內地媒體影到佢同一名中性打扮嘅女子行街時有親密互動，報道更指呢個人外貌幾似阿嬌舊愛陳冠希，更有網民以「女版陳冠希」形容阿嬌呢位「新歡」，阿嬌搭正凌晨準時跟皇甫聖華講「Happy Birthday」，又上載二人一張「頭貼頭」親密合照，佢哋整咗情侶色嘅Gel甲，不少網民留言追問阿嬌係咪宣布戀情，阿嬌搞笑回應：「哈哈哈！你們放心，我還是最愛我的阿Sa（蔡卓妍）。」見阿嬌未有正面回應，二人關係依然撲朔迷離。
據知33歲「女版陳冠希」皇甫聖華與阿嬌今年6月傳出緋聞，阿嬌全程跟對方交頭接耳，二人舉止親密，皇甫聖華離開更錫阿嬌臉頰一下，內地網紅皇甫聖華在微博擁有228萬粉絲，有傳佢出身富裕家庭，不時喺社交平台上載自己嘅奢華生活，佢與周揚青非常老友，盛傳係周揚青為二人穿針引線，而阿嬌早排疑與「女版陳冠希」同遊布吉，戴着兩隻Cartier LOVE系列手鈪，共價值$546,000，有眼利嘅網民發現兩人戴同款黑超情侶手鈪，令「戀情」洩蜜！
