波姐馮素波日前與謝高晉、何天嵐、曾天妤、楊埕等年青藝人歌手拍攝網劇短片，波姐飾演手段凶狠凌厲購物網店嘅銷售主管，為咗捽數，對下屬不惜一切折磨到盡 。 面對好戲波姐，飾演Top sales嘅謝高晉與何天嵐笑言喺波姐捽數 下，先知道原來做到一位出色Top sales係唔易，要付出好大努力及壓力， 兩人更大讚波姐演技相當逼真。
謝高晉感謝波姐演技帶佢哋入戲，搞到佢哋都投入好似現實生活咁，真係以為自己做sales，佢多謝波姐令到佢哋學到好多 。」其中一位sales因不甘屈服於主管波姐凌厲之下，喺波姐面前折斷一枝筆以示不滿，豈料波姐馬上折斷幾枝筆還搫，以示大家鬥唔過佢，嚇得大家目瞪口呆 。
雖然片中的波姐好有威嚴，但大家讚鏡頭下嘅波姐好隨和，仲教大家點樣入戲，片中飾演波姐秘書嘅曾天妤及演公司新同事嘅楊埕希望再有機會跟波姐合作拍電視劇或電影，拍完之後大家亦有開心可跟波姐影大合照。