34歲黃心穎與RubberBand鼓手泥鯭（黎萬宏）於10月27日舉行婚禮，事前相當保密，二人未有揀高級酒店，反而佢哋揀咗元朗錦田一個隱世地點舉行華麗西式婚禮，場內擁有一個大帳篷禮堂毗連草地空間，每位賓客須要出示邀請函才能入內。
心穎剛剛喺IG貼出二人婚照並留言：「Just Married.」二人進行西式戶外園林證婚時，更跟定情愛犬一齊行禮，佢哋婚禮只邀圈中好友RubberBand主音6號（繆浩昌）、樂隊Mr. 鼓手Tom、小肥及火火等，更安排旅遊巴接載賓客。據知場地最多可容納400名賓客，場地最低消費$98000。此外，馬國明同心穎分手後感情各有發展，亦先後步入婚姻殿堂，噚日馬明喺TVB節目巡禮被傳媒問及舊愛結婚一事時，亦大方祝對方白頭到老，甜甜蜜蜜。
