曾身為韓國女團「CLC」前香港成員嘅 莊錠欣Elkie 上周踏入25歲，啱啱過去嘅星期六佢就舉辦生日見面會，同100位幸運Fans共度。而佢嘅好閨蜜「TWICE」成員 周子瑜 嘅媽媽亦帶埋表妹特地北上到場送上祝福，加上同佢一亦拍攝新節目嘅跆拳女神 姜巧文 以及 YouTuber 韓國女生Judy一齊慶祝，佢哋仲話經過今次活動直接被圈粉，仲話：「我們要加入後援會當真的粉絲」。
見面會一開始，Elkie就為現場逾百Fans帶來CLC嘅歌曲串燒，之後又表演個人單曲《Speed up》同翻唱BIGBANG成員太陽嘅《EYES, NOSE, LIPS》、廣東歌《喜歡你》同大熱台劇主題曲《想見你想見你想見你》。
台下歌迷聽到如癡如醉時，Elkie又唱出自己第一次創作同發行嘅歌曲《I Dream》，Elkie仲哽咽話：「這是首度公開表演這首歌，有盡量忍住眼淚，好好地完成演出」，台下Fans紛紛打氣，令佢非常她感動。
之後佢又同大家玩遊戲，考驗大家對佢嘅了解，冠軍仲會獲得尚未正式發售嘅紀錄寫真卡，其中一位參加者仲係子瑜媽媽，佢仲笑言：「這可不是黑箱，是我本來就很了解Elkie，所以題目才會都答對」。
而經理人公司亦為Elkie準備驚喜，現場銀幕播出佢10歲時參加少女時代街舞比賽表演《Oh!》嘅片段，又有佢12歲時演出《On Call 36小時》中，尋父時五音不全嘅演出，Elkie同Fans都睇到笑唔停口。
Fans後援會又同經理人公司串通，將原本嘅遊戲道具換成生日蛋糕，令驚喜嘅Elkie非常開心：「我知道一定會有蛋糕，但沒想到會是這時候，跟綵排的時候不一樣啊」，Elkie亦感性講到「感謝這麼多年來依舊支持我的朋友，雖然這次是抽獎入場，還是有多位來自日本、韓國、香港、泰國的朋友，覺得自己非常幸運且幸福，有這麼多的人愛著微小的我。」
KEYMAXii 提供圖片