日本殿堂級樂隊X JAPAN成員；原名森江博嘅低音結他手HEATH據指因癌症離世，終年55歲。
多間日本傳媒報道HEATH離世消息，而隊長YOSHIKI日前突然中稟取消美國領獎之行緊急返回日本奔喪，雖然未道明離世者身份，不過外界都認為YOSHIKI係趕忙為好友送別。
HEATH早喺1990年同成員HIDE相識，不過直至到1992年結他手TAIJI退出樂隊後，佢先正式加入成為X JAPAN成員。2009年佢哋曾來港於亞洲國際博覽館舉行演出，不過隨後就發生HEATH幾乎退團嘅消息。
自2018年來，X JAPAN一直處於休團停止活動狀態，到去年底YOSHIKI曾宣稱希望樂隊將會再次重組演出，不過佢亦坦言困難重重，而隨住HEATH離世，亦令X JAPAN演出只能重留腦海當中。
(網上圖片)