以世界知名嘅 香港國際機場 作為故事背景，為大家揭開不為人知一面同故事嘅新劇《飛常日誌》一班演員近日正為新劇喺機場唔同角落拍攝，近日劇組宣佈全球招募劇集主題曲，呢日嘅記者會更公佈當中細節。
招募直至月中截止，而三首入圍作品屆時將會網上供投票選出最後精選作品。劇中主角 馬國明 高海寧 蔡思貝 同 洪永城 呢日都有現身活動，亦都落力為呢次招募呼籲，仲各自分享佢哋心中認為嘅歌曲要點呀。
年底即將迎娶湯洛雯成為人夫嘅 馬明 ，呢日被問到靚湯公開姊妹團，佢嘅兄弟名單有冇準備時，就大賣關子未肯公開，會到外地舉行婚禮嘅佢哋，又指基本已經準備得七七八八，只要一有時候間就會幫手安排喇。
馬明又爆靚湯心情太好，仲隨時可能會再去單身旅行，又忙住同唔同朋友見面慶祝脫離單身生活呀。不過馬明要忙拍劇又要忙《新聞女王》宣傳，所以就難以分身同行喇。
呢日音樂人 劉易昇 就分享今次參加嘅少少貼士，如果有信心，記得踴躍將好作品喺截止前報名喇。
「飛常日誌」主題曲全球大招募報名表格：https://forms.gle/Ft6R71X1UF5cmaXL7
