香港少女組合XiX喺9月推出第一首派台作品《SiS》，近日眾人就收到好消息，就係新歌MV衝破一百萬點擊！
由於XiX 5位成員仲要兼顧學業，所以佢哋可以話係分秒必爭，宣傳新歌期間，每次都爭取喺化妝嘅時候溫習同做功課，即使要犧牲睡眠時間都義無反顧，所以得知MV有咁好嘅成績，XiX興奮表示：「我哋放學後見到呢個好消息，真喺興奮到大叫。可能呢個數字對於其他人嚟講未必太深刻，但喺對於我哋嚟講就係第一個里程碑，喺屬於我哋五個女仔之間嘅一個重要回憶。」
而為咗答謝fans嘅支持同經理人Eric Kwok一直以嚟嘅付出同，XiX喺8號晚就開直播感謝大家，期間仲表示諗住舉行謝師慶功宴，XiX表示：「今次謝師宴加慶功宴諗住帶Eric Sir去遊船河、食大閘蟹，最緊要有得食，我哋就會好開心。」多謝完經理人之後，當然唔少得要答謝fans啦！所以XiX就表示即將會播出《SiS》MV特別版，以答謝大家嘅支持！
