9月因為出道15周年先後喺台北同香港舉行Fans見面會嘅AV女優 波多野結衣 同 大槻響 ，下周將會再次喺澳門同Fans見面，除咗邀請咗霍哥擔任司儀主持活動之外，大會仲宣佈喺11月11日內購票將有7折優惠一眾「光棍」。
兩位日本成人界偶像今年以出道15周年為名義，早前先後於台北同香港舉行一系列Fans見面活動，當時首次來港嘅大槻響同先後曾推出多達2000部AV嘅波多野結衣更大賣口乖，希望可以同香港演員合作拍攝唔同作品，又指要飽嚐香港美食咁話呀。
雖然今次見面會於各地嘅票價最貴一級索價近7千港元，不過仍吸引唔少男士購票入場務求親近夢中女神，今次大會大割價相信更會令搶購潮再起喇。
