TVB台慶嘅大型表演節目星期日就會同大家見面，除咗頭先同大家睇過 郭柏姸 苦練空中瑜珈之外，一班小生亦日夜為大型舞蹈練習，半百小鮮肉同 薛家燕 綵排時，家燕姐仲即席將多年經驗同大家分享，叫大家一定要記得表情管理呀。

陳浚霆 丁子朗 冼靖峰 唐嘉麟 黃奕斌 周嘉洛 唔止為家燕姐改咗「蜚聲國際超越宇宙大灣區Beyonce」呢個咁勁嘅稱號，而家燕姐仲話呢次表演被半百俊男包圍開心到暈，所以自己笑都笑唔停，仲覺得好緊張同好有壓力怕失禮呀。

而嘉洛仲被家燕姐踢爆，雖然忙住拍劇，不過就依然完全跟得上舞步，而丁丁Archie同Hugo佢哋參加《亞洲超星團》之後仲被大讚超級進步呀。

雖然呢班男藝員年紀都唔算大，不過有人就早喺21年前已經同家燕姐合作過 丘梓謙 原來仲係家燕姐學校嘅第一代學生，今次再同對方合作演出，正式係全場之中嘅大師兄呀。

偶像選秀節目《亞洲超星團》2號晚喺翡翠台播出，餘下六位香港代表丁子朗、黃奕斌、張鎬濂、方玉亨、黃星綽、區珀豪都踏上才藝考核初舞台，其中丁子朗和黃奕斌、區珀豪及內地選手李澤楊組隊以《算你敢愛敢做》出戰，丁子朗雖然沒有唱跳功底，但係佢嘅表情管理十足，被總製作人Rain大讚，最後和Hugo同獲二等星評分，丁丁獲得20,385票暫時排第19位。而獲得26,954票嘅冼靖峰排第13位，成為最高名次香港代表。

作為節目召集人嘅曾志偉亦接受訪問，透露為咗公平起見，不參與所有香港代表嘅評分，佢亦講笑話曾經向Rain講自己係TVB總經理嘅身份，不過就被Rain搞笑回應。節目播出後因為Rain細心嚴格嘅點評成為看點，志偉仲大爆Rain為咗更有效點評選手既歌藝，耳機仲有特別既Setting。 

另一位香港代表張鎬濂，同四位長腿選手組隊出戰，平均身高1米88，顏值同高度都爆燈，艾克力亞嘅翻筋斗演出仲技驚四座，不過因為唔少成員都欠跳舞根底，最後五子同獲三等星。經過第二集初舞台才藝考核後，頭五位分別是獲得248,805票嘅奧利、44,884票嘅李權哲、43,911票嘅譚奕天、34,505票嘅張勝希和31,924票的林展爍，獲得第一名嘅奧利比第二名的李權哲遙遙領先逾20萬票，相當誇張！奧利對於成為頂頭大熱都謙虛回應，指自己個人既表演仲未夠好。而愛合和艾煜坤兩內地選手表現亮眼獲得一等星評分，令佢地名次大為提升。