木村光希性感現身品牌活動米倉涼子大病漸癒明艷如昔

娛樂新聞

2023-11-15 00:30

萬人迷木村託哉星期一度過51歲生日，太太同兩位千金都齊齊Post出唔同風格嘅圖片，仲間接打破木村同太太嘅婚變傳聞。細女 Kōki, 木村光希除咗唔同Model工作，近來亦開始拍攝唔同影視作品，呢日佢現身一個珠寶品牌藝術展，仲以性感打扮大曬20歲無敵青春呀。

同場現身嘅仲有山下智久米倉涼子等紅星，而山P就對即將過去嘅2023年成績覺得唔錯，除咗因為完成唔少工作之外，仲久違展開新一次巡唱，而加上正拍攝全新劇集，所以覺得今年非常充實咁話。

而早前因健康出現問題而減少工作嘅日劇女王米倉涼子，呢日現身時風釆依然，佢仲提到自己身體狀況已經好轉，希望可以慢慢可以如常同大家見面。

蘇恩磁70歲生日因腸胃炎令生日飯局未能盡慶

娛樂新聞

2023-12-07 22:30

成日演闊太嘅綠業演員蘇恩磁，啱啱度過咗佢70歲嘅生日，林秀怡、魯振順、監製潘嘉德等一眾好友就約埋一齊幫佢慶祝，佢哋買咗3個唔同口味嘅蛋糕，外加兩籠壽包嚟同蘇恩磁賀壽，令到蘇恩磁相當開心。
一眾好友為Auntie So慶祝70歲生日。
蘇恩磁將生日飯局嘅相上載到社交平台，不過佢喺帖文度寫道：「多謝老友替我安排生日飯局，可惜昨天腸胃炎，未能盡慶，恢復體力後，再和大家好好聚一次。」希望Auntie So快啲好返，身體健康啦！