大Al 張武孝 唔止係《你好，我的大夫》當中嘅體貼醫師，早年一首《南華之歌》仲唱到深入民心，但係曾經得罪人被追斬嘅佢，其實入行以來演出無數，早喺70年代已經憑獨特嘅沙啞聲線為人所知，就連當年劇集《奮鬥》都以呢把聲作劇情呀。

劉德華父親劉禮上月離世，眾所周知華仔一向非常疼錫雙親，以前做訪問嘅時候都會提起同爸爸相處嘅點滴，華仔仲話無論自己係17定32歲，同爸爸拗手瓜時都會輸畀對方，華仔笑言爸爸成日趁佢開工唔係屋企嘅時候，就會偷偷地用佢啲健身器材嚟操練。