玲玲友情報丨麥玲玲曾封7位數畀C君做人情? 黃紫恩勁羨慕盼對方做媒人

玲玲友情報丨麥玲玲曾封7位數畀C君做人情? 黃紫恩勁羨慕盼對方做媒人

發達有心得?堪輿學家麥玲玲同兩位J2ers 黃紫恩Jojo、吳兆麟Alan將會喺22號播出嘅《玲玲友情報》,請嚟有「好老闆」之稱嘅上市公司主席陳洪楷,分享投資同慳錢致富嘅心得。
今集請嚟有「好老闆」之稱嘅上市公司主席陳洪楷,同大家分享投資同慳錢致富嘅心得。
陳洪楷自言未發跡前,試過封5,000元作為好朋友結婚人情,當時人情「公價」普遍為 1,000 元左右,收人情嘅好友到依家仲經常被提起。而玲玲師傅就話係值得,跟住佢掐指計數,邊數邊話:「C 君(鄭詩君)結婚我都畀咗......」屈起手指足有7隻,意味住人情有過百萬?玲玲師傅續講:「C 君自己都話啲錢夠首期買樓,佢係我徒弟,無計嘅。」令在場眾人都艷羨到流口水,玲玲師傅笑言就算有錢,亦未必人人捨得花,指有唔少有錢人都很節儉。
陳洪楷自言未發跡前,試過封5,000元作為好朋友結婚人情。
玲玲師傅接受訪問時澄清,節目內容係同C 君慣常開嘅玩笑,佢大笑話:「嗰時C 君玩整蠱電話,話要結婚不過無錢畀首期,叫我幫佢畀。明知佢玩電話,我話好呀,你去揀樓啦。之後佢成日同人講我幫佢畀首期買樓,其實只係封咗10萬蚊人情。」講到佢哋嘅師徒關係,原來始於主持新城電台節目,玲玲師傅讚 C 君聰明且頗有慧根,所以二人屬半份師徒關係。
玲玲澄清當年係封咗十萬人情。
對於玲玲師傅嘅超大封結婚人情,令主持之一嘅Jojo羨慕不已,佢半開玩笑咁話,如果將來擺酒無論如何都要請對方:「其實我成日叫師傅介紹男仔畀我, 分分鐘佢做埋媒人,所以好大機會實請埋佢。」Jojo 話對儲錢冇心得,但相信迫到埋身唔夠錢用,自然會努力搵錢。

《玲玲友情報》逢星期三 23:00  J2 82台

玲玲友情報丨大王親解與李錦聯相愛相殺關係 黃紫恩分享圈中潛規則經歷

麥玲玲、黃紫恩Jojo同蔡景行主持嘅清談節目《玲玲友情報》,21號晚播出嘅一集,再度請嚟大王安德尊擔任嘉賓。
今集嘅嘉賓仍然有大王安德尊。
講起同大王嘅相識經過,玲玲師傅表示當初係經珍姐曾勵珍而認識:「嗰時書展出書,自己啱啱出道無人識、無錢,好多嘢都係打心口。已經搵咗家燕姐同記者嚟,仲爭個司儀,珍姐介紹我搵安德尊。」玲玲指當時大王分文不收,即使自己硬塞利是畀對方,大王都會掉返畀佢,玲玲話呢份恩情自己一直記住。
玲玲分享同大王認識嘅經過。
大王喺圈中出名人緣好,試過台前幕後迫爆錄影廠,都係為佢慶祝生日。不過玲玲就重提大王多年前嘅一位「天敵」,當時佢哋合作下午節目一個烹飪環節,講到呢度對方係邊個都呼之欲出啦,玲玲繼續講:「以前見佢哋做節目會不斷有『火花』,好想知佢哋私下係點。」

大王親解同「天敵」嘅關係。

大王借機解開多年不和傳言,認真咁話:「平時我哋相處嘅模式,都好似節目咁,其實我對佢okay㗎。」但講到佢哋雙方嘅關係時,能言善道嘅大王都一時語塞︰「我同你講點解,因為我成日干涉佢嘅生活,佢成日飲酒,我勸佢『你唔好再飲啦,又傷身,又會騷擾到側邊其他人』,由頭到尾就係唔准飲酒。」大王提到拍《都市閒情》時,玲玲師傅素有「萬歲女王」稱號,每次都係成車食物推入錄影廠萬歲。
Jojo自言遇過唔少圈中潛規則。
Jojo入行已一段日子,佢笑言經歷唔少圈中潛規則,又爆料做新人時嘅多番奇遇︰「你知公司每一年好多活動,我哋會一行行企拍片。試過有位比我前輩小小嘅姐姐,係咁喺後面推我,心諗我哋都排到第5、6行,算數啦。」連番被推嘅Jojo最後忍不住提出調位,對方亦恩然接受。另一趟Jojo親眼目睹一位攝石藝人嘅「奇技」,佢忍唔住讚嘆表示︰「你知我哋會分一、二、三線(藝人),有啲新人係六線,有次居然畀某人由第六行走到去第一行大合照,雖然係側邊位,已經好勁。你知嗰幾幅人牆幾難攝。」Jojo仲遇過貪小便宜嘅拍戲對手,三番四次拎走拍攝用嘅薯片、糖果等道具,直到助導出聲,對方先若無其事咁交還,面皮非常厚。
 貴圈真亂。
此外,玲玲師傅直言潛規則聽得多,好似鬆踭、攝位呢啲已經見慣不怪,但佢永遠不會有呢啲煩惱,仲經常被安排喺正中C位,想知點解就要收睇節目喇!

《玲玲友情報》逢星期三 22:00 J2 82台

 相關推薦

熱門搜尋