煒哥「入五」生日與眾好友慶祝「乖囡」炎明熹網上賀壽送祝福

娛樂新聞

2023-11-21 15:00

一向明艷照人又演技出眾嘅陳煒今日踏入50歲，丈夫陳國強醫生同一班好友包括朱晨麗同時裝設計師何國鉦等已經率先為煒哥賀壽。身穿斜膊露肩裝出席飯局嘅煒哥，手執璀璨嘅花束，加上大班好友同聚慶祝，睇煒哥滿足嘅笑容應該非常開心喇。

煒哥今日踏入50歲，老公陳醫生同一班好友為佢慶祝Morning朱呢日亦都係座上客之一

煒哥一早已自認係《聲夢》Fans，之後又喺《青春本我》同炎明熹扮演過母女，呢日Gigi早早就準時向「媽咪」請安賀壽，Aska同Felixy亦緊隨其後，而一眾圈中好友好似準新娘湯洛雯姚子羚姜皓文等亦都齊齊各煒哥送上祝福，而一向待人親切有禮嘅煒哥仲逐一親自回應呀。

Gigi早早就向《青春本我》嘅媽咪煒哥請安賀壽喇

Gigi胡鴻鈞廣播劇演情侶鄭丹瑞事隔30年再編新作

炎明熹胡鴻鈞同鄭丹瑞呢日齊齊現身一個電台廣播劇記者會，同大家分享佢哋錄音時嘅趣事，第二次參與廣播劇嘅Gigi，就坦言今次依然緊張到成手汗狂食螺絲，佢仲同Hubert現場演繹其中一段故事，大家又覺得Gigi表現點呢？

Hubert就指雖然今次同Gigi分開錄音，又自嘲自己係一個叔叔同小朋友合作，更話冇諗過Gigi講說話可以咁流暢呀。今次主題曲由伍仲衡創作余劍明同 Hubert 主唱，呢日佢哋仲現場演唱當年嘅經典廣播劇主題曲《流離所愛》。

旦哥今次再製作廣播劇，扮演年輕版嘅Huberty就話今次經驗非常有趣，而可以同偶像旦哥合作嘅Gigi仲被爆早前偶遇嘅笑料，旦哥仲借鏡頭向阿囡投訴生日未有著落，叫阿囡快啲約自己呀。