Sa蔡卓妍41歲生日童顏依舊 關智斌突襲搞氣氛 TWINS明年紅館騷8場火速爆滿

Twins睽違9年再開紅館宣佈2024年1月舉行《TWINS SPIRIT》演唱會，今早公開發售，勢如破竹8場演唱會，逾五萬張門票，半粒鐘內被搶購一空， 8場演出宣告爆滿！

阿Sa今日生日，壽星女要開工。 

壽星女阿Sa（蔡卓妍）今日生日，阿Sa仍要開工，開售時正與阿嬌（鍾欣潼）及一班英皇歌手關智斌、鄧小巧、Gin Lee、泳兒等一齊工作，期間一班師弟師妹特別為佢準備生日蛋糕，關智斌「突襲」偷偷拿住生日蛋糕出嚟，領唱生日歌搞氣氛，之後阿Sa許願，因為許咗成分鐘，阿嬌問Kenny要唔要搵張櫈坐坐先，阿SA就話叫佢唔好嘈住：「我好亂呀我……」

關智斌「突襲」偷偷拿住生日蛋糕出嚟。

問到阿Sa究竟許咩願？阿Sa笑言送咗個生日願望畀經理人部門同事阿超，祝佢身體健康，此時有工作人員向阿Sa宣佈喜訊：「今日半個鐘內，8場演唱會賣爆！」阿Sa同阿嬌聽到呢個好消息感到又意外又興奮，Kenny馬上大叫 : 「加場！加場！我唔夠飛！」然後即引起大家一齊跟住叫，有唔少歌迷衝去阿Sa同阿嬌嘅社交平台留言，話買唔到飛，希望佢哋可以加場。 阿Sa表示加唔加場要再研究，又笑問Kenny，「係咪你來幫我哋手做先！哈哈……」Kenny笑指做bad boy伴舞。 
此外，Twins演唱會頭場係阿嬌生日，Kenny表示一定拉大隊去支持，再喺紅館一齊唱生日歌，阿嬌笑言到時全世界都知自己幾歲。
Kenny笑指做bad boy伴舞。工作人員向阿Sa宣佈喜訊：「今日半個鐘內，8場演唱會賣爆！」TWINS演唱會逾五萬張門票，半粒鐘內被搶購一空， 8場演出宣告爆滿！