《典籍裡的中國》第五集，被視為央視重點文化類創新節目的《典籍裡的中國》（以下簡稱《典籍》），由內地著名主持撒貝寧主持，在內地播映時贏得極高 口碑。
重新剪輯兼以廣東話重新配音嘅《典籍裡的中國》第五集香港版，今晚播出《孫子兵法》，由金馬影帝 吳鎮宇 同曾拍攝電影《葉問4：完結篇》嘅國家一級演員 吳樾 等參與演出，堪稱「強強聯手」。
孫子兵法喺春秋時期由軍事家孫武編寫，全書共13篇，約6000 字，屬中國現存最早嘅兵書。今晚製作組將孫子兵法以小故事方式呈現，吳鎮宇、吳樾兩大好戲之人分別飾演吳國兩大將領孫武同伍子胥，佢哋有近似嘅兒時經歷，但就走上截然不同嘅人生道路。節目從二人初相識講到如何成為刎頸之交，見證古代英雄嘅「友情歲月」。
《典籍》中嘅「現代說書人」 撒貝寧 回到2500年前嘅春秋時期拜會老年孫武，見證呢位軍事家由年少成長到老嘅一生重要事跡，最吸引可以話係吳鎮宇嘅影帝級演出，佢經歷譆兄弟反目以及同兄弟訣別等重大事故同不同感人小故事，前後六度落淚，更分別展現出感動、痛心、不捨、無奈、悲慟同感恩等唔同層次，難怪節目於內地內地播出時贏盡好評，觀眾紛紛大讚鎮宇施展「教材級演技」。 另一邊廂，吳樾亦「有來有往」聲嘶力竭地演繹出伍子胥同孫武兄弟決裂一幕，盡見爆發力，兩大好戲之人以極致演技大鬥法，非常精彩。
《典籍裡的中國》星期六晚 21:30 翡翠台