TVB台慶劇《新聞女王》噚晚（24日）呢集Man姐（佘詩曼飾）與梁景仁（佐治，馬國明飾）就茶果嶺 「思覺大叔」持刀事件報道手法發生激烈爭論，Man姐堅決反對嘩眾取寵兼要求 fact check「思覺大叔」身上係咪真手槍、堅持新聞係「educate」而唔係「entertain」觀眾！
Man姐因Cathy（高海寧飾）採訪期間訊號受干擾，聯想到思覺大叔發狂可能與附近有高頻電波有關，即拉攏現場嘅家妍（李施嬅飾）聯手打造好新聞，勝出漂亮一仗。Man姐喺「表演」前向佐治拋出金句「等我教多你一次咩叫直播」，熱爆內地及香港討論區洗版式留言喪讚 Man姐，並指阿佘榮膺視后無誤，就連阿佘昔日《金枝慾 孽》拍檔「玉瑩小主」黎姿，亦有喺阿佘IG留言：「好型呀！我要睇。」至於阿佘現任拍檔馬明則留言扮驚驚：「Man姐發火， 非同小可」。
對於阿佘晒主播Tone，網民瘋狂留言讚好，不枉阿佘早於開劇前半年已為主播語調做定功課，談到阿佘憑Man姐熱爆香港及內地，劇集總監製鍾澍佳受訪時坦言「冇阿佘冇Man姐」，並大爆阿佘私 下也是大姐大：「佘詩曼對所有的演員，她都特別照顧，譬如她看到你今天咳 嗽，明天就會給你帶藥水，她不會說太多話，但對你的關心是直接用行動表現出 來，這一點已經是文慧心的特質了，外冷內熱。」
本集個案人物「思覺大叔」（李國麟飾）及其女兒莎莎（陳楨怡飾）為例，雖然出場唔多，兩人均甚有發揮，演繹精神病漢入木三分，而新人楨怡短短幾幕玩勻飛車、喪跑、崩潰爆喊及被挾持等，其中一幕與高海寧喺山上狂奔， 佢與李國麟嘅父女情亦獲讚感動。
楨怡喜獲正評坦言開心：「今次角色出現時間唔長、但好大挑戰，因為情緒起伏大，全部場口都好激動。」楨怡又感激李國麟幫忙入戲：「佢好有經驗， 好快令我相信佢係我爸爸。其實我一入屋見到佢拎住刀，已經忍唔住喊。」談到被李國麟以刀子抵住條頸，楨怡笑言麟哥驚真係整到，但鏡頭又要影到「厄」落去先逼真，楨怡又爆高海寧超暖心：「除咗畀好多意見我，佢每次開早佢都會問我要唔要咖啡。」
台慶劇《新聞女王》逢周一至五晚八點半翡翠台播映