全新一輯《通靈之王2》今晚播出第三集，10強B組將進行淘汰賽，參賽者包括楓燧、安娜同 Celeste、福皓、Pallas以及振鴻。佢哋將首先喺電視城古裝街尋回自己嘅法器，之後要競猜5位嘉賓中邊個係真正世界冠軍兩個項目中競賽，成績最差一位將被淘汰。
而在首個尋回法器項目中，海選表現最突出嘅「雷電道長」楓燧經過一輪作法，極速確定法器所在之處，仲胸有成竹說：「以前喺道教學院已經好鍾意咁去玩， 其實尋物係其中一門考試嚟，同今日嘅考試一模一樣。」思浩問到如果手提電話遺失，係咪一樣可以成功尋回時，佢就話：「呢啲作法比較大，我建議唔見咗應該去買過部新！」
身為「通靈世家」嘅姚安娜同Celeste母女檔，安娜指囡囡18歲時已無師自通學會塔羅占卜，Celeste一解牌仲即判若兩人：「我阿女平時好似小妹妹咁，但一解牌就好似接收咗啲信息咁，成個人會好成熟，好似變咗第二個人咁。」
製作組問到兩人占卜結果有冇出現過分歧？Celeste話：「有嘅，但唔同得嚟係唔會有任何衝突， 因為係兩個人嘅力量，但兩個人嘅力量永遠唔會只係得兩個人，係可以變大好多倍，合作得勁可以乘10倍咁多都得。」
至於「靈力練習生」福皓自稱以天語同「高我」溝通，同樣好快就確定法器所在，佢信心十足咁話：「我玩之前已經知道我嘅法器喺邊個Number嘅箱入面，係唔需要懷疑！」「靈魂科學家」Pallas擅長易經塔羅、動物傳心、風水、八字同催眠治療，佢以尋龍尺尋找法器，以及經過同擺放法器嘅工作人員接觸後，最終喺兩個箱之間猶豫不決。而「玄學大叔」振鴻曾喺十幾年前獲得算命比賽冠軍，佢以占卦尋找法器，仲鉅細無遺指出法器所在方向同箱喺在有遮蓋位 置，到底最後答案又係咪同佢所算一樣呢？
《通靈之王2》星期一至三晚 22:30 翡翠台