航天大匯演丨炎明熹鍾鎮濤傾力獻唱 《亞洲超星團》香港代表跳唱獲曾志偉打氣鼓勵

航天大匯演丨炎明熹鍾鎮濤傾力獻唱 《亞洲超星團》香港代表跳唱獲曾志偉打氣鼓勵

譚詠麟(校長)、草蜢、鍾鎮濤(B哥哥)、炎明熹(Gigi)、李幸倪( Gin Lee)、泳兒、《聲夢》學員及《亞洲超星團》香港代表丁子朗(Karl) · 冼靖峰(Archie)等一眾歌手呢晚喺紅館出席《全港歡迎中國載人航天工程代表團大匯演》。

炎明熹以一身貼身紅色長裙亮相,佢話好榮幸參與呢個咁大型嘅演出,笑談自己與太空有啲關係,今次親身見到航天員,面對面唱歌畀佢哋聽,炎明熹坦言好緊張,草蜢成員蘇志威、蔡一智及蔡一傑就想藉呢個機會向航天員探究航天知識。

B哥哥為咗呢晚演出,佢重新編曲《天籟...星河傳說》配合大匯演主題,溫拿巡迴演出由年中開始展開,校長下一站將去江門見粉絲,佢話暫時最難忘係星馬巡唱,因為溫拿最早期發跡東南亞就係喺馬來西亞,當年因青春勵志喜劇《大家樂》帶畀大家知道溫拿各人嘅性格,校長回想星馬粉絲真係支持佢哋好耐。

丁子朗、黃奕斌(Hugo)、冼靖峰、文佐匡(Sean)、洪欣兒子張鎬濂等首次踏上紅館舞台載歌載舞,節目召集人曾志偉亦喺後台為佢哋打氣給予鼓勵;丁子朗呢晚又要表演跳唱、又要擔任司儀,經過之前不斷鍛鍊,佢好淡定接受挑戰,而黃洛妍就喜與涂毓麟及牛牛合作演繹《A Million Dreams》。

亞洲超星團|丁子朗騷演技流出真眼淚 Rain搞笑追問和女友分手嗎?

《亞洲超星團》今晚播出嘅第12集繼續有超星練習生第三次舞台公演,今集輪到攻擂隊伍登場,出場名單包括演出《Dangerously》嘅「Dangerously」隊,演出《Make a wish》嘅「Dream Maker」隊,演出《Bang Bang》嘅「Super Young High School」隊,演出《初戀》嘅「HOOK」隊,演出《夢想發射計劃》嘅「夢想調色板」隊。

《亞洲超星團》今晚繼續第三次舞台公演
 
清一色由香港代表組成嘅「HOOK」隊絕對係焦點所在,包括丁子朗、張鎬濂、黃星綽、區珀豪、冼靖峰、方玉亨、文佐匡同余宗遙在內嘅八位型男,以粉紅同粉藍兩個色Tone衣服上陣,分別代表甜蜜嘅初戀以及苦澀嘅初戀,「HOOK」隊演出時八子各施各法,歌唱擔當冼靖峰、余宗遙孖住騷靚聲,文佐匡同區珀豪齊齊騷Rap功,方玉亨則大騷招牌芭蕾舞,最後丁丁大騷演技喺獨白時流出真眼淚!連總製作人Rain都嘖嘖稱奇問:「你是怎麼樣能夠找準時機正好把那顆眼淚掉下來?」丁丁笑言:「要多多練習,或者多分幾次手,就可以哭得出來!」Rain再追問:「你最近和女朋友分手了嗎?」引嚟全場大笑。

丁丁今晚演出時竟然感觸到流淚

難怪連總製作人Rain都問佢係咪最近失戀喇
 
而另一位香港代表黃奕斌所屬嘅「Super Young High School」隊,八子齊齊化身高中生展現青春活力一面,當中身形健碩嘅Hugo穿上背心大騷麒麟臂!八子雖然已經使盡渾身解數勁歌熱舞,但似乎未能打動評審嘅心,Rain坦言:「我覺得這首歌和你們不怎麼搭,而且我沒看懂你們在跳什麼!」到底最後邊支隊伍可以攻擂成功?就要密切留意今晚播出嘅《亞洲超星團》。

Hugo呢集身穿背心大騷強壯臂彎勁歌熱舞

《亞洲超星團》今晚 20:00 翡翠台

 相關推薦

熱門搜尋