叠影狙擊丨59歲奸角郭政鴻被讚弗到爆 陳少邦謎之微笑成新一代表情包

叠影狙擊丨59歲奸角郭政鴻被讚弗到爆 陳少邦謎之微笑成新一代表情包

郭政鴻喺《叠影狙擊》入面飾演囂張又傲慢嘅大反派,為達目的不擇手段,由頭奸到尾。佢自己都話喺劇中係奸到盡:「上次我喺劇集《家族榮耀》演好哥哥,今次就係最奸嘅反派,兩者好大反差,亦係我其中一個最奸嘅角色!」郭政鴻指自己個角色係遇神殺神、遇佛殺佛,心目中只有金錢同權力,所以佢話自己要演得再辣啲,好似一個霸道嘅梟雄咁。
郭政鴻喺劇中奸到出汁。
雖然出年將會「登六」,但係唔少網民都讚郭政鴻保養得宜、身形超弗勁屈機,對此佢就分享獨門減齡秘技:「好多觀眾都問我點保養,自己戒晒宵夜,油膩及甜嘢都少食,當然要配合運動;同時我好貪靚,成日去做facial,如果冇時間都會喺屋企以家用美容儀去緊緻皮膚,所以仲keep得到。」
 
喺《叠影》入面有唔少搶鏡嘅配角,好似忠奸難辨嘅「Tina」文頌嫻、天才罪犯「教授」張松枝、潑辣寸嘴嘅「Brittany」鄭融等,而飾演夜店GOLF CLUB 19經理龍少嘅陳少邦,佢喺劇中一個「謎之微笑」更獲內地網友封為「年度代表作表情包」,話好難得有咁可愛嘅奸角。
陳少邦「謎之微笑」成為新一代表情包。
陳少邦喺劇中經常成為娜姐出氣袋,場面亦相當有喜感,佢喺訪問時笑言冇諗過奸角都要搞笑:「《叠影》好多劇情都好認真,加咗龍少被娜姐打同撞板嘅表情落去,可以等觀眾紓緩吓情緒。難得今次可以試吓搞笑擔當都係好事,之後播嘅劇都係演番反派,希望可以多演啲搞笑角色。」講到佢喺劇中嘅「謎之微笑」獲讚,少邦坦言自己睇playback時都覺得搞笑,仲話希望可以成為有代表性嘅表情包呀!
周秀娜以為陳少邦係武師,所以打起嚟完全唔留手!
首度同娜姐合作嘅陳少邦,大爆拍攝時趣事:「第一日開工就拍畀娜姐拗斷手指同畀佢打,其實娜姐唔知我係邊個,武指當時介紹我係龍虎武師,娜姐就好放心出力咁打我同拗我手指,所以都幾痛吓。之後我解釋番自己其實係演員嘅時候,娜姐仲請我飲咗杯咖啡添!」對於入行24年,但娜姐竟「不知道陳少邦是誰」,陳少邦就豁達咁話因為大家未合作過,所以對方唔知都唔出奇,佢笑言:「佢知道我係演員後仲係一頭霧水咁,好好笑!」

陳少邦1997年曾參加校花校草選舉,同屆校草冠軍是袁偉豪,兩年後少邦加入無綫第13期藝員訓練班,與林峯、楊茜堯等為同期藝訓班同學,入行至今在無綫曾拍過逾50套劇集。今年初少邦在《法言人》演反派闊少甚為搶fo贏盡好評,今次在《叠影》飾演「搞笑型奸角」,有望殺出新戲路。

《叠影狙擊》逢星期一至五 21:30 翡翠台

曾淑雅兒子滿百日影全新造型照 驚嘆髮量驚人超搞笑!網民:就是悟空的髮型

「長腿女神」曾淑雅(Jumbo)去年11月宣布誕下兒子,不知不覺囝囝已經100日,Jumbo決定搞一搞笑,為兒子帶來新造型!

Jumbo日前在社交平台甫出兒子的趣怪造型,開心寫上:「👶🏻寶寶終於黎到3個月大🤭🤭每日都唔同樣。愈來愈有肉地,由其係d頭髮。生長好迅速,以加已經成個大人仔咁啦🤣新一年當然要著新衫影下靚相做紀念⋯⋯寶寶乖乖合作!最後完成3個造型」,Jumbo又笑問大家喜歡哪個造型。

網民見到BB的髮量驚人,紛紛留意:「好多頭髮😮😮」、「好似比一般bb多頭髮」、「佢個髮型好正😆」,更紛紛表示孫悟空的造型最襯BB:「孫悟空好襯個髮型😂😂😂」、「超級襯🤣🤣🤣」、「就是悟空的髮型呢😂」、「小悟空最襯佢⋯⋯無得輸😆😁😄😍😍」。

圖片來源:曾淑雅IG

曾淑雅兒子滿百日影全新造型照 曾淑雅兒子滿百日影全新造型照 曾淑雅兒子滿百日影全新造型照

熱門搜尋