關楚耀今年喺520呢個浪漫日子，公布向網紅女友Joann求婚成功，而喺11月30日Kelvin 終於喺社交平台上載兩人嘅婚照，並留言表示：「Offically Mr & Mrs Kwan」，宣布正式成為關生關太，喺佢哋嘅婚照可見，着上低胸婚紗嘅Joann手執鮮花、同西裝骨骨嘅Kelvin非常匹配，絕對係郎才女貌，唔少圈中好友都紛紛喺佢既社交平台留言祝賀，好似朱晨麗、謝安琪、陳山聰、傅嘉莉、張名雅等等。
至於新娘子亦喺社交平台分享結婚喜悅，相中Joann着上紅色紗裙，頸同雙手都掛上同戴上18隻份量十足嘅龍鳳鈪，並寫道：「終於如願嫁給了滿眼都是我、想把最好的一切給我的男孩。」字裡行間都感受到新娘子滿滿嘅幸福呀！
