選秀節目《亞洲超星團》將於星期六播出第二集，六位香港選手丁子朗、黃奕斌、區珀豪會夥拍內地選手李澤楊出戰初舞台，丁丁話比賽前突然收到消息要轉歌令佢陣腳大亂，亦面臨好大挑戰，佢話好彩Bosco幫佢揾咗韓團miss A孟佳位於成都嘅跳舞室畀佢練習備戰。面對一眾評審，丁丁話自己唔太緊張，相反面對一班練習生先令佢更緊張。
而洪欣嘅兒子張鎬濂，就會同羅奕傑、艾克力亞組團出戰，鎬濂話見到好多熟悉嘅朋友，令佢心情既興奮又緊張，至於歐陽妙芝細仔方玉亨，就會同內地選手王坤組二人小隊出賽，玉亨更大展芭蕾舞實力，又謙虛咁話自己仲有好多進步空間。
至於初賽印象人氣NO.1嘅內地選手奧利，就會組五人小隊HELLO WORLD上演初舞台，而顏值靚過女生嘅選手愛合亦會組四人小隊美杜莎出場，艾煜坤更為隊友設計歌衫，令愛合讚嘆不已。
