施明跌傷開腦後低調出院 曬溫馨家庭照獨欠鼎爺李泳豪

年屆72歲嘅李家鼎前妻施明，上年因喺家中跌倒而需要入院做開腦手術並喺深切治療部留醫，直到今年3月，施明當時喺個人社交平台上分享自拍照，從相中可見施明剃光頭髮，頭部貼上紗布，不過施明嘅表情面帶微笑，當時恢復進度應該唔錯！

相隔8個月，呢日施明再次更新社交平台分享近況，原來佢已低調出院並留有一頭長髮，貼文配圖則用一張溫馨慶生照，大仔李泳漢一家及僧侶均有出鏡，不過前夫鼎爺同細仔李泳豪就未見身影，早前曾傳李泳豪為咗台灣老婆而跟阿媽施明母子反目。

不過施明有孫萬事足，12月5號係施明生日，有三個孫賀壽令佢成個人甜晒，指今年生日喺屋企慶祝非常高興，仲有三個寶貝孫，感覺非常溫馨溫暖，字裡行間都感受到佢嘅幸福。