Gin Lee化身Miss Gin拯救音痴 指導學生錄音大嘆陰功

出名唱得嘅Gin Lee李幸倪，出身音樂世家，自小就學習唱歌，對唱歌充滿熱誠，佢不時都會拍攝教唱歌短片，分享自己嘅唱歌技巧同埋小心得，近日佢就化身Miss Gin，親自出馬拯救音痴，教三位網上平台嘅魔音主持唱歌。

Miss Gin逐一點出學生問題，仲傳授埋真假音轉換同飆高音嘅獨門技巧，最後更請到音樂製作人T-Ma幫手，入錄音室錄唱Gin Lee嘅歌「企好」，而過程中Miss Gin亦都毫不留情咁批評話「唔好聽」。
而喺錄音結束後，Miss Gin行出錄音室嘅第一句說話竟然係「唉！陰功呀！」，認真搞笑呀！