傳媒人林超榮離世終年61歲

有外號「超人」嘅資深傳媒人 林超榮 今日傳出離世消息，終年61歲。有報道指出佢身患血癌。

林超榮生前身兼主持人、電視同電影編劇等唔同工作，早年曾任長壽節目《歡樂今宵》編劇，而後來亦曾負責《香港小姐競選》《萬千星輝賀台慶》等節目製作。亦曾為商業電台長壽廣播劇《18樓C座》擔任編劇多時，後來又為香港電台《頭條新聞》任主持。

超人同太太 屈穎妍 育有三女，今午圈中好友沈西城同黎文卓先後向外界公佈佢離世嘅消息。