馬國明與愛妻湯洛雯終於喺IG公佈婚訊，前往泰國蘇梅島出席婚禮嘅賓客陸續喺社交平台貼出相片，鐵馬家族成員之一嘅唐詩詠率先貼出佢哋做兄弟團嘅照片，相中見兄弟團成員有黎諾懿、陳敏之、林子善及黃嘉樂等，林子善見好兄弟馬明成家，亦忍唔住喊。
婚禮前有一個接新娘環節，事前靚湯講過冇玩新郎環節，湯洛雯當日喺身穿高領紅色背心連身裙、戴上一對龍鳳鈪，簡約高貴不失氣派；唐詩詠喺IG開心寫道：「二哥娶老婆我哋笑呵呵，押個韻先真係好好好好好好好好好好好好好開心，由早上開始除咗笑就已經喊不停，冇辨法我哋真係好開心好興奮二哥搵到一個咁好嘅老婆，未來呢幾日都係婚禮嘅相大家忍耐一下。」
而姊妹團成員之一嘅高海寧 （高Ling）喺社交平台貼出姊妹團全員大合照，見靚湯搵咗蔡思貝、岑杏賢等，高Ling並留言：「而一個靚到癲、Sweet到爆、好玩到唔願訓既婚禮，再次恭喜馬國明及湯洛雯。」相中見高Ling喺晚宴上接到花球，希望佢快啲搵到真命天子！
