吳千語 同拍拖多年嘅「百億富三代」男友 施伯雄 去年公開戀情，又齊齊接拍內地戀愛綜藝節目，分享佢哋相處嘅點滴，日前網上又流出佢哋於香港成婚嘅相片同影片。一對新人星期三就經公關公司正式發放當日嘅圖片，不過就指正式婚禮會待明年再舉行。
相片中一對新人分別身穿中、西式禮服，千語嘅中式裙褂可見佢手上嘅巨型龍鳳鈪，夫妻兩奪服用設計更係一式一樣。而另一款西式打扮圖片，新娘以一襲貼身露肩婚紗現身，盡顯好身材，齊齊切結婚蛋糕之餘一對新人嘅甜蜜微笑仲更顯佢哋嘅溫馨甜蜜。新人亦發文公開感謝親友同外界嘅祝福。
致所有關愛吳千語及施伯雄的親朋好友：
我們攜手欣喜公佈一則喜訊！我們於12月16日在雙方親友見證下完成證婚儀式，而正式婚禮將於明年舉行。
新階段的開始，有著無限美好可能等待著我們共同探索。我們無比期待這段新的旅程，準備好迎接一生中最幸福的時刻。
再次感謝大家的關心與祝福，祝願每一個心中有愛的人都幸福美滿，平安快樂！
吳千語及施伯雄敬上
